Bu müəssisə ölkəmizdə turizm və otelçilik üzrə fəaliyyət göstərəcək ilk Peşə Tədris Mərkəzi olacaq. Mərkəzdə orta ümumtəhsil məktəbi şagirdlərinə təhsillərini davam etdirməklə yanaşı, ödənişli yolla peşə təhsili almaq imkanı da yaradılacaq. Eyni zamanda əsas iş yerindən ayrılmamaqla əlavə peşə almaq, ixtisasartırmadan keçmək də mümkün olacaq. ] Müasir standartlar səviyyəsində yaradılacaq bu mərkəzdə barmen- bufetçi, ofisiant, aşbaz, qənnadçı, otel nəzarətçisi, ekskursovod, qid-bələdçi, turist səfərlərinin təşkili üzrə sifarişlərin qəbulu agenti, otel xidməti, kastelyanşa, qapıçı, otel administratoru peşələri üzrə ixtisaslı kadrlar hazırlanacaq. Mərkəzin yaradılmasında əsas məqsəd regionda turizm və otelçilik sahələrinin inkişafına nail olmaq, turizm və otel obyektlərində xidmət səviyyəsinin yüksəldilməsinə yardım göstərməkdir. Peşə Tədris Mərkəzində texniki səviyyədə əsas təhsil üzrə dövlət və ödənişli hesaba 2 illik, orta təhsil üzrə 1 illik, 3-6 aylıq qısamüddətli ödənişli, mühəndis-pedaqoji işçilər üçün 3 aylıq ixtisasartırma və yenidənhazırlanma, xarici dil və İKT üzrə ödənişli, eləcə də rəhbər işçilər və sahibkarlar üçün ödənişli təkmilləşdirmə kurslarının keçirilməsi nəzərdə tutulub.

08/07/2015 16:52

Ölkə Prezidenti cənab İlham Əliyevin “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının təsdiq edilməsi barədə” imzaladığı Sərəncama əsasən 8 il ərzində 5 min azərbaycanlı gəncin xarici ölkədə təhsil alması nəzərdə tutulub. Hazırda bu proqram çərçivəsində ABŞ-da 7, Avstraliyada 2, Almaniyada 5, Böyük Britaniyada 8, İsveçdə 2, İsveçrədə 1, İspaniyada 1, Yaponiyada 1, Yeni Zellandiyada 1, Cənubi Koreyada 5, Niderlandda- 4, Rusiyada 20, Türkiyədə -10, Fransada 13, Çexiyada 1, ümumilikdə isə 81 azərbaycanlı tələbə tibb, iqtisadiyyat, sənaye, İKT, elm, hüquq və incəsənət istiqamətləri üzrə təhsil alır.

08/07/2015 16:52

İyulun 18-də Təhsil Nazirliyi ilə “British Council” təşkilatının birgə reallaşdırdığı “İngilis dilinin intensiv tədrisi layihəsi” çərçivəsində təlim-seminar keçən müəllimlərin ikinci qrupuna sertifikatlar təqdim olunub.  Məlumat üçün qeyd edək ki, bu layihə çərçivəsində təlim keçən ingilis dili müəllimlərinin ilk qrupuna sertifikatlar iyulun 11-də verilib. Təhsil naziri Misir Mərdanov tədbiri açaraq həyata keçirilən layihə barədə qısa məlumat verib, müəllimlərin ixtisas biliklərini və elmi-metodik hazırlıqlarını artırmaqda təlim-seminarın mühüm əhəmiyyət daşıdığını qeyd edib. Eyni zamanda layihənin təşkilatçılarına, xüsusilə bu işdə böyük əməyi olan “British Council”un proqram üzrə rəhbəri Gülşən Hüseynovaya təşəkkürünü bildirib. Bu işin ölkəmizdə davamlı olaraq aparılmasının vacibliyini vurğulayan nazir yeni dərs ilindən başlayaraq digər məktəblərdə dərs deyən ingilis dili müəllimləri üçün də müvafiq seminarlar təşkil etməyin məqsədəuyğunluğunu bildirib. Misir Mərdanov ölkədə aparılan təhsil islahatlarında, xüsusilə, tədris prosesinə yeni texnologiyaların tətbiqində ingilis dili müəllimlərinin fəallığını xüsusi qeyd edib və məhz bunun nəticəsi olaraq “Ən yaxşı müəllim” müsabiqəsində yer tutanlar arasında ingilis dili müəllimlərinin çoxluq təşkil etdiyini diqqətə çatdırıb. Mərasimdə çıxış edən bir sıra məktəb direktorları və seminarı aparan müəllimlər keçirilən təlimləri yüksək dəyərləndirib, bu işin ardıcıl davam etdirilməsinin vacibliyindən söz açıblar. Sonda təlim-seminarın ikinci qrupunun iştirakçılarına sertifikatlar təqdim olunub.

08/07/2015 16:52

İyulun 18-də “Xarı bülbül” restoranında Təhsil Nazirliyi Azərbaycan Milli Mətbuatının 133-cü ildönümünə həsr olunmuş mərasim keçirib. Tədbirdə nüfuzlu kütləvi informasiya vasitələrinin nümayəndələri və nazirliyin rəhbər işçiləri iştirak edib. Mərasimi giriş sözü ilə təhsil naziri Misir Mərdanov açaraq kütləvi informasiya vasitələri nümayəndələrini qarşıdan gələn bu əlamətdar gün münasibətilə təbrik edib. Nazir cəmiyyətin ən aparıcı qüvvəsi hesab edilən jurnalistikanın, azad mətbuatın inkişafının ümummilli liderimiz Heydər Əliyevin həmişə diqqətində olduğunu vurğulayıb və bu yolun hazırda ölkə Prezidenti cənab İlham Əliyev tərəfindən uğurla davam etdirildiyini qeyd edib. Nazir bildirib ki, son illər ölkəmizdə təhsil sahəsində aparılan islahatlar, həyata keçirilən tədbirlər bu gün geniş ictimaiyyətin diqqət və marağındadır. Görülən işlərin ictimaiyyətə vaxtında çatdırılmasında KİV-in danılmaz rol oynadığını qeyd edən Misir Mərdanov Təhsil Nazirliyinin media nümayəndələri ilə sıx əməkdaşlıq etdiyini vurğulayıb, eləcə də bu əməkdaşlıqdan məmnunluğunu ifadə edib. Misir Mərdanov həmçinin 2008-2009-cu tədris ili üzrə yeniliklərdən, məktəb tikintisi, Azərbaycan müəllimlərinin XIII Qurultayına hazırlıq işlərinin aparılması və digər məsələlərdən söz açıb. Sonra təhsil sahəsində görülən işləri obyektiv və peşəkar işıqlandıran kütləvi informasiya vasitələrinin nümayəndələrinə Təhsil Nazirliyinin Fəxri fərmanı və pul mükafatı təqdim olunub. Mərasimdə ölkə jurnalistikasının tanınmış nümayəndələri çıxış edərək Təhsil Nazirliyinin keçirdiyi bu tədbiri yüksək dəyərləndiriblər.

08/07/2015 16:52

İyulun 16-da təhsil naziri Misir Mərdanov İordaniya Krallığının ölkəmizdəki fövqəladə və səlahiyyətli səfiri cənab Adel Adailehlə görüşüb. Qonağı Təhsil Nazirliyində görməkdən məmnunluq duyduğunu ifadə edən Misir Mərdanov öncə Azərbaycanla İordaniya arasında mövcud olan əlaqələrin son illər daha da inkişaf etdiyini qeyd edib. Nazir İordaniya ilə təhsil əlaqələrinin genişləndirilməsində ölkəmizin maraqlı olduğunu açıqlayıb, habelə cari ilin əvvəlində Bakıda səfərdə olan İordaniyalı qonaqlarla keçirilən səmərəli görüş barədə məlumat verib. Görüşdə, həmçinin İordaniyanın orta məktəblərində İKT-nin tətbiqi üzrə təcrübənin öyrənilməsi, iki ölkə arasında “Qardaşlaşmış məktəblər” layihəsinin reallaşdırılması, müəllim, tələbə və şagird mübadiləsinin, birgə elmi-tədqiqatların aparılması, ali və peşə təhsili sahəsi üzrə əlaqələrin genişləndirilməsi, Bakının bir orta məktəbində ərəb dilinin tədrisi və digər məsələlər müzakirə edilib. Misir Mərdanov Azərbaycan-İordaniya təhsil əlaqələrinin daha da inkişaf etdirilməsi məqsədilə ölkələrimiz arasında müvafiq sazişin imzalanması təklifini irəli sürüb. Eyni zamanda nazir səfirə gələcək işlərində uğurlar arzu edib. Cənab Adel Adaileh səmimi qəbul üçün təhsil naziri Misir Mərdanova təşəkkür edərək İordaniya-Azərbaycan əlaqələrinin yüksək sürətlə inkişaf etdiyini vurğulayıb. Aparılan islahatlar nəticəsində İordaniyada Yaxın Şərqdə nümunəvi təhsil sistemi yaradıldığını diqqətə çatdıran səfir, həmçinin nazirin qeyd etdiyi məsələlərə dəstək göstərməyə hazır olduğunu bildirib. Səmimi şəraitdə keçən görüşdə qarşılıqlı səfərlərin təşkili məsələlərindən də bəhs olunub.

08/07/2015 16:52

Müşavirədə qarşıda duran bir sıra məsələlər və prioritet istiqamətlərlə bağlı müzakirələr aparılıb. Təhsil naziri Misir Mərdanov 2008-2009-cu tədris ilində həyata keçirilməsi nəzərdə tutulan tədbirlərdən danışaraq işə daha da ciddi məsuliyyətlə yanaşılmasının vacibliyini bildirib. Sonra Misir Mərdanov cari ilin sentyabrında keçiriləcək Azərbaycan müəllimlərinin XIII qurultayına hazırlıq işlərinin aparılmasının ən vacib məsələ olduğunu diqqətə çatdırıb, nazirliyin müvafiq struktur bölmə rəhbərlərinə bu istiqamətdə lazımi işlərin həyata keçirilməsi məqsədilə tapşırıqlar verib, eləcə də bununla əlaqədar Təşkilat Komitəsinin yaradılması qərara alınıb. Müşavirədə yaxın günlərdə nəşri nəzərdə tutulan “Azərbaycanın təhsil tarixi” kitabı üzrə işin yekunlaşdırılması, orta ümumtəhsil məktəblərində xarici dillərin tədrisində mövcud olan problemlərin aradan qaldırılması, məktəblərin müasir avadanlıqlara malik fizika və kimya üzrə laboratoriyalarla təchiz olunması, dərsliklərlə təminat, habelə digər məsələlər ətrafında fikir mübadiləsi aparılıb, müvafiq şəxslərə konkret göstərişlər verilib.

08/07/2015 16:52

İyulun 12-də Təhsil Nazirliyində “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın icrası ilə bağlı təqdimat keçirilib. Tədbiri giriş sözü ilə açan təhsil naziri Misir Mərdanov bu proqramın mühüm əhəmiyyət kəsb etdiyini qeyd edib. Nazir bildirib ki, ötən il ölkə Prezidenti cənab İlham Əliyev “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının təsdiq edilməsi barədə” Sərəncam imzalayıb. Həmin Proqram çərçivəsində 8 il ərzində 5 min azərbaycanlı gəncin xarici ölkədə təhsil almasının nəzərdə tutulduğunu qeyd edən Misir Mərdanov bildirib ki, gənclərimiz, həmçinin Təhsil Nazirliyi ilə imzaladıqları müvafiq fərdi müqaviləyə əsasən xarici ölkədə təhsil aldıqdan sonra yüksək səviyyəli kadr kimi vətənə dönərək 5 il ərzində təyinat üzrə müvafiq sahədə işləmək öhdəliyini daşıyırlar. Sonra nazir azərbaycanlı gənclərin ölkədən kənarda təhsil almasının tarixindən söz açaraq bu işdə ümummilli liderimiz Heydər Əliyevin xüsusi xidmətləri olduğunu, müvafiq ənənənin ölkə Prezidenti cənab İlham Əliyev tərəfindən uğurla davam etdirildiyini diqqətə çatdırıb, bu sahə üzrə verilən Sərəncamların əhəmiyyətini qeyd edib. Nazir məlumat verib ki, hazırda qeyd olunan Proqram çərçivəsində 80-dən artıq azərbaycanlı gənc dünyanın 15 ölkəsinin 45 ali məktəbinin bakalavr, magistratura, aspirantura və doktorantura pillələrində təhsil alır. Misir Mərdanov Dövlət Proqramının səmərəli həyata keçirilməsi məqsədilə Təhsil Nazirliyinin müxtəlif ölkələrin tərəfdaş qurumları, yaxud birbaşa ali məktəbləri ilə əməkdaşlıq üzrə atılan addımlar barədə də danışıb. Fransanın “Cnous”, Almaniyanın Alman Akademik Mübadilə Xidməti (DAAD) təşkilatları və ABŞ Dövlət Departamentinin “Fulbrayt” Proqramı ilə əməkdaşlığın hüquqi bazası yaradıldığını vurğulayan nazir əlavə edib ki, “Cnous” təşkilatı ilə imzalanmış saziş çərçivəsində ötən il 13 azərbaycanlı gənc Fransanın müxtəlif universitetlərində təhsil almağa göndərilib. Nazir eyni zamanda DAAD təşkilatı ilə cari ilin iyununda Təhsil Nazirliyinin imzaladığı saziş çərçivəsində Almaniyadan gəlmiş ekspertlərlə birgə bu ölkədə təhsil almağa göndəriləcək 12 namizədin müəyyən olunduğundan, yaxın vaxtlarda həmin namizədlərin Almaniyaya göndəriləcəyindən söz açıb. Tədbirdə nazirliyin Beynəlxalq əlaqələr şöbəsinin müdiri Qulu Novruzov “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın icrası üzrə görülmüş işlərə dair təqdimat edib. Q. Novruzov öz təqdimatında Dövlət Proqramının yaranma zərurəti, onun əsas məqsəd və vəzifələri, bu proqramın hazırkı təqaüdçüləri, ən çox üstünlük verilən istiqamətlər, ümumilikdə mövcud sahədə reallaşdırılan tədbirlər barədə iştirakçılara ətraflı məlumat verib. Sonda Dövlət Proqramı üzrə media nümayəndələrini maraqlandıran suallar cavablandırılıb. x

08/07/2015 16:52

İyulun 11-də “Park-inn” otelində Təhsil Nazirliyi ilə “British Council” təşkilatının birgə həyata keçirdiyi “İngilis dilinin intensiv tədrisi layihəsi” üzrə təlim keçmiş bir qrup müəllimə sertifikatların təqdim olunması mərasimi keçirilib. Mərasimdə təhsil naziri Misir Mərdanov, “British Council” təşkilatının ölkə üzrə direktoru xanım Nikol lə Os de Lalüvye, Təhsil Nazirliyinin Strateji təhlil, planlaşdırma və kadrların idarəolunması şöbəsinin müdiri Fərzəli Qədirov, Bakı Şəhəri üzrə Təhsil İdarəsinin nümayəndələri, məktəb direktorları, layihə üzrə təlim keçən müəllimlər iştirak edib. Məlumat üçün qeyd edək ki, müəllimlərinin ingilis dili dərslərini daha maraqlı və müasir etmələri üçün “British Council” Təhsil Nazirliyi ilə birgə müəllimlər üçün yeni və dinamik İngilis dili təlim kursu hazırlayıb. Yeni olan bu təşəbbüs müasir təlim metodlarını tətbiq  etməklə Bakının ən aparıcı 60 ingilis dili müəlliminin təkmilləşdirilməsini nəzərdə tutur. Təhsil naziri Misir Mərdanov birgə reallaşdırılan bu tədbirin əhəmiyyətini vurğulayaraq qeyd edib ki, “British Council” ölkəmizdə müxtəlif istiqamətli layihələr həyata keçirir. “İngilis dilinin intensiv tədrisi” layihəsini də yüksək dəyərləndirən nazir bu işin Azərbaycanda ingilis dili tədrisinin təkmilləşdirilməsi və müəllimlərin peşəkarlıq səviyyəsinin artırılmasında oynadığı roldan danışıb. Eyni zamanda nazir əlavə edib ki, 2003-2008-ci illərdə həmin təşkilatla Təhsil Nazirliyinin həyata keçirdiyi birgə layihələrin məqsədi Azərbaycanda təhsil islahatlarına uyğun olaraq ingilis dili müəllimləri üçün bu dilin tədrisi sahəsində ən son nailiyyətləri əks etdirən müasir və effektiv ixtisasartırma, təkmilləşdirmə sisteminin yaradılması, ingilis dilinin tədrisində fəal-interaktiv təlim metodlarının və yeni pedaqoji texnologiyaların tətbiqidir. Misir Mərdanov qeyd edib ki, mövcud layihə Bakıdakı 7, 23, 27 saylı məktəblərdə, “İntellekt”, “Ankara” liseyləri, Beynəlxalq Təhsil Kompleksi və S.Pişəvəri adına Humanitar fənlər gimnaziyasında həyata keçiriləcək. Nazir həmçinin məhz bu məktəblərin seçilməsini həmin müəssisələrdə ingilis dilinin dərindən öyrədilməsi, lazımi kadr potensialının olması ilə əlaqələndirib və layihənin akademik Zərifə Əliyeva adına məktəbi əhatə etdiyini də xüsusi qeyd edib. Nazir bildirib ki, layihəyə əsasən ingilis dili intensiv tədris edilən siniflərin tədris plan və proqramlarının qısa müddətdə hazırlanması, milli dərsliklərlə yanaşı, istifadə ediləcək dərslik komplektləri barədə təkliflərin verilməsi nəzərdə tutulur. Tədbirdə Misir Mərdanov “British Council” un Azərbaycandakı direktoru xanım Nikol lə Os de Lalüvyeyə və təşkilatın bütün əməkdaşlarına bu işdə göstərdikləri dəstəyə görə təşəkkür edib. “British Council” təşkilatının ölkə üzrə direktoru xanım Nikol lə Os de Lalüvye çıxış edərək qeyd edib ki, layihəyə cəlb olunmuş müəllimlərin bacarıqlarının artırılması, tədris sahəsində müasir metodika və metodologiyalara yiyələnməsi, şagirdlərə ingilis dili üzrə zəruri kompetensiyaların aşılanması bu layihənin əsas məqsədidir. Keçirilmiş təlim–seminarda azərbaycanlı müəllimlərin hazırlıq səviyyəsindən razılıqla danışan xanım Lalüvye rəhbərlik etdiyi təşkilatla Təhsil Nazirliyinin əməkdaşlığını yüksək qiymətləndirib. Xanım Lalüvye həmçinin bu istiqamətdə reallaşdırılacaq digər tədbirlərdən də danışıb. Sonda qeyd olunan layihə üzrə təlim keçən ingilis dili müəllimlərinə sertifikat təqdim olunub.

08/07/2015 16:52

İyulun 9-da Təhsil Nazirliyində “Azərbaycan Respublikasında texniki-peşə təhsilinin inkişafı üzrə Dövlət Proqramı (2007-2012-ci illər)” çərçivəsində yerinə yetirilən vəzifələrə dair iclas keçirilib. İclasda təhsil naziri Misir Mərdanov son illər peşə təhsilinin inkişafı istiqamətində atılan addımlardan danışıb, bu sahəyə olan dövlət qayğısını xüsusi qeyd edib. Nazir texniki-peşə təhsilini müvafiq sistemin mühüm pillələrindən biri kimi dəyərləndirərək, onun sosial-iqtisadi inkişafın təmin edilməsində aparıcı rol oynadığını bildirib. Misir Mərdanov məlumat verib ki, hazırda ölkəmizdə 114 texniki-peşə təhsili müəssisəsi fəaliyyət göstərir, onlardan 47-si peşə liseyi, 60-ı peşə məktəbidir. Sonra nazir ölkə Prezidenti cənab İlham Əliyevin Sərəncamı ilə “Azərbaycan Respublikasında texniki-peşə təhsilinin inkişafı üzrə Dövlət Proqramı (2007-2012-ci illər)”nın təsdiq edildiyini və bu proqramda texniki-peşə təhsilinin ictimai statusunun yüksəldilməsi, maddi-texniki bazanın möhkəmləndirilməsi, yeni iqtisadi münasibətlərin formalaşdırılması, idarəetmə və kadr hazırlığı işinin təkmilləşdirilməsinin prioritet istiqamət olduğunu diqqətə çatdırıb. Eyni zamanda Misir Mərdanov bu proqrama əsasən görülən işlər barədə məlumat vermək üçün sözü nazirliyin Texniki-peşə təhsili şöbəsinin müdiri Namiq Məmmədova verib. N.Məmmədov bildirib ki, qeyd olunan proqrama əsasən Təhsil Nazirliyi Avropa Təhsil Fondu, Beynəlxalq Əmək Təşkilatı, Dünya Bankı, Britaniya Şurası, YUNESKO, Cənubi Koreyanın “DAEWOO” şirkəti və digər beynəlxalq təşkilatlarla birgə layihələrin həyata keçirilməsi istiqamətində əhəmiyyətli işlər reallaşdırılıb. Eyni zamanda şöbə müdiri texniki-peşə təhsili sahəsində fəaliyyətin əlaqələndirilməsi məqsədilə dövlət və qeyri-dövlət qurumlarının nümayəndələrindən ibarət Əlaqələndirmə Şurasının yaradılması, Bakıda və regionlarda sahibkarlıq kurslarının təşkili, əmək bazarının öyrənilməsi ilə əlaqədar birgə sorğuların keçirilməsi, peşə təhsili sahəsinə aid olan məlumat bazası və internet səhifəsinin açılmasının nəzərdə tutulduğunu vurğulayıb. N.Məmmədov məlumat verib ki, 2008-ci ildə dövlət vəsaiti hesabına 8 texniki-peşə məktəbinin əsaslı təmiri və 1 məktəbin yenidən qurulması planlaşdırılır, habelə yaxın müddət ərzində Qəbələ Turizm və Otelçilik üzrə Peşə Tədris Mərkəzinin açılışı gözlənilir. Şöbə müdiri Cənubi Koreyanın “DAEWOO” şirkəti ilə birlikdə Bakıda inşası nəzərdə tutulan “Ali Texniki Peşə Təhsili Mərkəzi”nin yaradılması istiqamətində görülən işlərdən də danışıb. Sonda N.Məmmədov iştirakçıları maraqlandıran sualları cavablandırıb.

08/07/2015 16:52

Böyük Britaniyanın “British Council” təşkilatı Təhsil Nazirliyi ilə birgə “Təbiət fənləri üzrə müəllimlər üçün təlimlər” layihəsi çərçivəsində 5 günlük təlim kursu keçirib. Təlim kursunun əsas məqsədi təbiət fənlərini tədris edən müəllimlərin interaktiv tədris metodlarından istifadə üzrə bacarıq və peşəkar qabiliyyətlərinin inkişaf etdirilməsi, müvafiq təlim vasitələrinin öyrədilməsindən ibarət olub. Təlimlərdə Azərbaycan Dövlət Pedaqoji Universiteti, Azərbaycan Müəllimlər İnstitutu və onun 11 filalından, Gəncə, Sumqayıt, Lənkəran Dövlət universitetlərindən, eləcə də Bakı, Gəncə, Sumqayıt şəhər, Lənkəran və Salyan rayon ümumtəhsil məktəblərindən seçilmiş kimya, biologiya və fizika fənlərini tədris edən müəllimlər, rayon təhsil şöbələri və Bakı Şəhəri üzrə Təhsil İdarəsinin metodistləri iştirak ediblər. Layihə üzrə növbəti təlim kursu yeni dərs ilində keçiriləcək.

08/07/2015 16:52