İməcilik çərçivəsində təhsil müəssisələri ərazisində, tədris ocaqları daxilində abadlıq, yaşıllıq və təmizlik işləri həyata keçirilib. Qeyd edək ki, müəllim, şagird və texniki işçilərin iştirakı ilə keçirilən iməciliklərdə çəkilmiş selfilər Təhsil Nazirliyinin Facebook səhifəsində yerləşdirilib.

08/07/2015 16:52

Respublika Texniki Yaradıcılıq Mərkəzinin “İbtidai yaradıcılıq” şöbəsi tərəfindən təşkil olunmuş tədbirdə mərkəzin dərnək üzvləri bir-birindən rəngarəng şeirlər səsləndirib, mahnı və rəqslər ifa ediblər. Daha sonra uşaqlar arasında asfalt üzərində “Face Paint” müsabiqəsi keçirilib. Sonda qaliblər hədiyyələrlə mükafatlandırılıblar. Tədbirin sonunda “Dəniz qulduru” nağıl personajı uşaqları əyləndirib.

08/07/2015 16:52

Görüşdə tərəflər Azərbaycanla Belarusiya arasında təhsil əlaqələri, işgüzar əməkdaşlığın qurulması ilə əlaqədar fikir mübadiləsi aparıblar. Misir Mərdanov səfiri səmimi salamlayaraq ölkələrimiz arasında münasibətlərin son illər inkişafı istiqamətində atılan addımlardan danışıb. Təhsil sahəsindəki əlaqələrə böyük önəm verdiyini açıqlayan nazir qonağa hazırda bu istiqamətdə aparılan işlər haqqında məlumat verib. Cənab Paskeviç öz ölkəsinin təhsil sistemi, peşə təhsili müəssisələrinin vəziyyəti, ali məktəblərdə Boloniya prosesinə keçid üzrə iş aparılması barədə ətraflı məlumat verib. Səfir 2009-cu ilin mayında Belarusiyada YUNESKO-nun dəstəyi ilə “Texniki-peşə təhsilinin modernləşdirilməsi və inkişafı” mövzusunda beynəlxalq konfrans keciriləcəyini bildirib, ölkəmizin də bu tədbirdə iştirakının məqsədəuyğunluğunu və dəvət olunduğunu qeyd edib. Görüşdə qarşılıqlı əlaqələrin inkişafı üçün işçi qrup yaradılması, tələbə mübadiləsinin genişləndirilməsi, texniki peşə-təhsili müəssisələrində kadr hazırlığı, eləcə də digər məsələlər müzakirə olunub.

08/07/2015 16:52

Səməd Vurğun adına Azərbaycan Dövlət Rus Dram Teatrında keçirilən "Dostluq çələngi" adlı konsertdə Lalə İbrahimovanın rəhbərlik etdiyi dərnək üzvləri milli "Qaval", "Tello", "Bulaq başı", "Meyvələr", eyni zamanda dünya xalqlarının "Yunan", "Holland", "Tacik", "Özbək", "Qırğız", "İtalyan", “Kukaraça”, “Lambada” rəqslərini ifa ediblər. Uşaqların nümayiş etdirdiyi "Xalqlar dostluğu rəqsi" adlı kompozisiya da tədbir iştirakçıları tərəfindən böyük maraqla qarşılanıb. Mərkəzin vokal dərnəyinin ifa etdiyi şən mahnılar, "Çiçəyim" uşaq teatrının çıxışları, balacaların moda nümayişi tədbirə xüsusi rəng qatıb. Konsert "Bayram" rəqsi ilə başa çatıb.

08/07/2015 16:52

Təqdimat Xaricdə Təhsil üzrə Dövlət Proqramı çərçivəsində London Universitet Kollecində təhsil alan Nicat Baxşəliyev tərəfindən təşkil olunub. Tədbirdə həmyerlilərimizlə yanaşı, Böyük Britaniya, Fransa və İtaliyadan olan tələbələr də iştirak ediblər. Təqdimatdan əvvəl Kollecdə Avropa Oyunları ilə bağlı posterlər yerləşdirilib. Təqdimat zamanı iştirakçılara Avropanın ən əlamətdar tədbirlərindən biri olan “Bakı 2015” 1-ci Avropa Oyunları haqqında məlumat verilib. Qeyd olunub ki, Bakı şəhərində təşkil olunacaq ilk Avropa Oyunlarında Avropanın 50 ölkəsindən 6200-dən çox idmançı medallar uğrunda mübarizə aparacaq. Oyunlar zamanı 4-ü qeyri-olimpiya, 16-sı olimpiya olmaqla, ümumilikdə 20 idman növü üzrə 253 yarışın keçiriləcəyi haqda məlumat iştirakçılar tərəfindən böyük maraqla qarşılanıb. Təqdimatın gedişində Avropa Oyunlarının keçiriləcəyi idman arenaları haqqında fotoşəkillər və Avropa Oyunlarına dair hazırlanmış videoçarx da iştirakçıların diqqətinə çatdırılıb.

08/07/2015 16:52

Təhsil naziri Misir Mərdanov görüşü giriş sözü ilə açaraq qonağı yeni vəzifəyə təyin olunması münasibətilə təbrik edib və ona gələcək fəaliyyətində uğurlar arzulayıb. Sonra nazir ölkəmizdə öz missiyasını uğurlu yerinə yetirən YUNİSEF təşkilatının Təhsil Nazirliyi ilə sıx və səmərəli əməkdaşlıq etməsindən, birgə həyata keçirilən layihələrdən danışıb. Nazir bildirib ki, bu layihələr ümumilikdə 250-dən çox məktəbəqədər tərbiyə, ümumtəhsil, ilkin müəllim hazırlığı, ixtisasartırma və yenidənhazırlanma müəssisəsini, 30 minədək uşaq və şagirdi, 7 minə qədər valideyni, 3 minədək müəllim və tərbiyəçini, 1000-dək mütəxəssisi əhatə edib. Eyni zamanda 400-dək təlim kursu keçirilib, müxtəlif məzmunlu təlim materialları hazırlanıb. Misir Mərdanov həyata keçirilən layihələrin hər biri haqqında ətraflı məlumat verərək, YUNİSEF-lə əməkdaşlığın perspektivlərindən də söz açıb. Nazir erkən yaş dövründə uşaqların inkişafı sahəsində əməkdaşlığın, ilkin müəllim hazırlığı üzrə nəzərdə tutulan tədbirlərin davam etdirilməsi, ümumi orta təhsil sistemində kurrikulumun tətbiqi, müəllimlərin ixtisasartırma sistemi ilə bağlı yeni mexanizmlərin yaradılması və digər istiqamətdə aparılan işlərin daha da genişləndirilməsinin məqsədəuyğunluğunu qeyd edib. Cənab Məhəmməd Bendris Alami səmimi qəbul, eləcə də YUNİSEF-lə əməkdaşlığın istiqamətləri, həyata keçirilən layihələr barədə ətraflı məlumat verdiyi üçün nazirə təşəkkür edib. Qonaq birgə əlaqələrin inkişafı üzrə səmərəli əməkdaşlığın təşkili, gələcəkdə reallaşdırılması nəzərdə tutulan tədbirlər haqqında danışıb. Eyni zamanda lazımi dəstək göstərməyə hazır olduğunu vurğulayıb. Görüşdə qarşılıqlı maraq doğuran bir sıra məsələlər ətrafında fikir mübadiləsi aparılıb.

08/07/2015 16:52

Musiqi Kollecində «Fortepiano» ixtisası üzrə təhsil alan III kurs tələbəsi Eldəniz Ələkbərzadə İzmir şəhərində Mosart adına Musiqi Akademiyasının keçirdiyi Gənc fortepiano ifaçılarının beynəlxalq müsabiqəsində 1-ci yerə layiq görülüb. Gənc ifaçı müsabiqənin qızıl medalı ilə təltif olunub. 

08/07/2015 16:52

Tədbirdə təhsil naziri Mikayıl Cabbarov, “Abşeron Hotel Group” MMC-nin rəhbəri Mark Harald Ehler, həmçinin təhsil müəssisələrinin rəhbərləri və xidmət sahəsində fəaliyyət göstərən sahibkarlar iştirak ediblər. Mərasimdə çıxış edən təhsil naziri Mikayıl Cabbarov peşə təhsilinin inkişafının prioritet sahələrdən biri olduğunu bildirib. Təhsilin inkişafı üzrə Dövlət Strategiyasında peşə təhsilinin yüksəlişi və bu sahəyə sahibkarların, işəgötürənlərin cəlb olunmasının nəzərdə tutulduğunu deyən Mikayıl Cabbarov bununla bağlı Təhsil Nazirliyi tərəfindən ardıcıl iş aparıldığını qeyd edib. Nazir yaxın günlərdə ölkəmizdə “Bakı 2015” I Avropa Oyunlarının start götürəcəyini xatırladıb. Bu isə ölkəmizə idmançılarla yanaşı minlərlə qonağın gəlməsinə, eyni zamanda Azərbaycanın turizm zonası kimi nüfuzunun daha artmasına səbəb olacaq. Nəticədə xidmət sektorunda beynəlxalq standartlara cavab verən kadrların hazırlanmasına, mövcud heyətin peşəkarlıq səviyyəsinin artırılmasına ehtiyac yaranıb. “Abşeron Hotel Group” MMC-nin rəhbəri Mark Harald Ehler bildirib ki, Təhsil Nazirliyi ilə əldə edilmiş razılaşmaya əsasən, 5 nömrəli Bakı Peşə Liseyində ekspertlər tərəfindən 430 nəfər şagirdə beynəlxalq standartlara uyğun təlimlər keçirilməsi nəzərdə tutulub. İlkin mərhələdə 220 nəfər təlimlərdə iştirak edib. Tədbirdə qeyd olunub ki, peşə təhsili üzrə ilk dəfə keçirilən bu təlimlərin məqsədi I Avropa Oyunlarının keçirilməsi ərəfəsində Bakıda istifadəyə verilmiş yeni beş ulduzlu “Bulvar Hotel” və “İnturist Hotel” mehmanxanaları üçün kadr ehtiyatı yaratmaqdır. Təlim keçənlər həm Avropa Oyunları ərəfəsində istifadəyə verilmiş mehmanxanalarda, həm də “Absheron Hotel Group” MMC-nin tərkibinə daxil olan restoranlar şəbəkəsində işlə təmin olunmaq imkanı əldə edəcəklər. Çıxışlardan sonra kursu bitirənlərə sertifikatlar təqdim olunub. 

08/07/2015 16:52

Bu tədris ocağında 111 sinifdə 2830 şagird təhsil alır. Əvvəlki dövrlərdə isə məktəb-liseydə 3200 nəfərədək şagird oxuyub. Məktəbdə çalışan 289 müəllimdən 5-i əməkdar müəllim, 5-i ilin müəllimi, 3-ü elmlər namizədidir. Hazırda paytaxtın digər 2 məktəbində müvəqqəti yerləşdirilmiş 20 nömrəli məktəb-liseydə elektron təhsil müəssisəsi kimi bir sıra innovasiyayönümlü layihələr gerçəkləşdirilib. Bu məktəb-lisey Bakı şəhərinin əhalinin ən sıx məskunlaşdığı ərazisində yerləşdiyinə görə təhsil müəssisəsinin yeni tikilən binasının müasir tələblərə uyğun inşa olunması nəzərdə tutulub. 3000 şagird yerlik layihələndirilmiş və 25000 kvadratmetr sahəsi olacaq yeni məktəbin 2016-2017-cı tədris ili üçün istifadəyə verilməsi planlaşdırılır. Məktəb-liseyin eskiz layihəsi və digər müvafiq sənədləri Bakı Şəhəri İcra Hakimiyyəti tərəfindən təsdiq edilib.   Şəkillərdə 20 nömrəli məktəb-liseyin yeni inşa olunan binasının layihə üzrə görüntüləri əks olunub.

08/07/2015 16:52

Tədbirdəü mumtəhsil məktəblərinin 7-13 yaşlışagirdləri iştirak edib. Müsabiqənin keçirilməsində məqsəd Azərbaycan təbiətinin zənginliyini vəətraf mühitin ekoloji problemlərini uşaqların gözü ilə nümayiş etdirməkdən ibarət olub. Facebook sosial şəbəkəsi vasitəsilə keçirilən müsabiqədə iştirakçılar 4 nominasiya üzrə qiymətləndirilib. Fotolarda əsasən, Azərbaycanın müxtəlif regionlarının rəngarəng təbiəti, insanların ətraf mühitə münasibəti nümayiş etdirilib.  Qaliblərə Təhsil Nazirliyinin diplomları və hədiyyələr təqdim olunub.

08/07/2015 16:52