• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Nazirlik Menyu Geri

MenyuMenyu

PORTAL.EDU.AZ

Menyu

Virtual bələdçi Elektron sənəd yoxlanışı ƏLÇATANLIQ
Əlaqə 146

SPECIAL ANNOUNCEMENT

“Ümumi təhsil haqqında” Azərbaycan Respublikasının Qanunu

2022-05-06 14:01:00

Təhsil millətin gələcəyidir!
HEYDƏR ƏLİYEV
Haydar Aliyev Image

Təhsildə informasiya texnologiyalarının tətbiqi sahəsində “Elektron Təhsil” Respublika müsabiqəsinin keçirilməsi barədə Azərbaycan Respublikasının təhsil nazirinin əmri

Azərbaycan Respublikası Prezidentinin 10 iyun 2008-ci il tarixli Sərəncamı ilə təsdiq edilmiş "2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı" üzrə nəzərdə tutulmuş tədbirlərin icrası ilə bağlı Təhsil Nazirliyinin 19 avqust 2008-ci il tarixli əmri ilə təsdiq edilmiş “Fəaliyyət Planı”nın 5-ci və 17-ci bəndlərinin icrasını təmin etmək məqsədilə
 
ƏMR EDİRƏM
 
1. 2011-ci ildən etibarən hər il təhsildə informasiya texnologiyalarının tətbiqi sahəsində “Təhsildə İnternet texnologiyaları" və “Müasir məktəbdə elektron tədris resursları” istiqamətləri üzrə “Elektron Təhsil” Respublika müsabiqəsi keçirilsin.
2. “Elektron Təhsil” Respublika müsabiqəsinin əsasnaməsi, müsabiqənin Təşkilat Komitəsinin və Münsiflər Heyətinin tərkibi təsdiq edilsin. (1, 2, 3 saylı əlavələr).
3. Təşkilat Komitəsi müsabiqənin keçirilmə müddətini, mərhələlərinin müəyyən edilməsini  və    əsasnamədə nəzərdə tutulmuş digər tədbirlərin lazımi səviyyədə həyata keçirilməsini təmin etsin.
4. Təhsil Sisteminin İnformasiyalaşdırılması İdarəsinə tapşırılsın (S.Məmmədov) :
4.1. Əsasnamədə nəzərdə tutulmuş tədbirlərin vaxtında və lazımi səviyyədə həyata keçirilməsini təmin etsin.
4.2.  Ən yaxşı layihələr haqqında geniş məlumatların Təhsil Portalında yerləşdirilməsini təmin etsin.
4.3.  “Elektron Təhsil” Respublika müsabiqəsinin keçirilməsi üçün xərclər smetası təsdiq edilsin. (4 və 5 saylı əlavələr).
5.   Nazirliyin İctimaiyyətlə əlaqə şöbəsi (B.Hüseynzadə) müsabiqənin bütün mərhələlərinin gedişinin videolentə alınmasını, əmrin “Azərbaycan müəllimi” qəzetində və “Təhsil xəbərləri” məcmuəsində dərc olunmasını təmin etsin.
6. Əmrin icrasına nəzarəti öz üzərimə götürürəm.   
 
Misir Mərdanov
Azərbaycan Respublikasının
təhsil naziri
15 aprel 2011-ci il
№ 573

“Elektron Təhsil” Respublika müsabiqəsində iştirak üçün Ərizə forması

“Elektron təhsil” Respublika müsabiqəsində “Təhsildə İnternet texnologiyaları" istiqaməti üzrə  təqdim edilən işlərin qiymətləndirmə  meyarları

“Elektron Təhsil” Respublika müsabiqəsinə “Müasir məktəbdə elektron tədris resursları” istiqaməti üzrə təqdim edilən Layihələrin qiymətləndirmə meyarları

Paylaş